ரத்மலானை விமானப்படை மருத்துவமனை தனது 16 வது ஆண்டு நிறைவை 2025 நவம்பர் 11,  அன்று பெருமையுடன் கொண்டாடியது. ஆண்டு விழா கொண்டாட்டங்கள் சடங்கு அணிவகுப்புடன் தொடங்கியது, இதை செயல் கட்டளை அதிகாரி விங் கமாண்டர் ஹிமாலி மெண்டிஸ் மதிப்பாய்வு செய்தார்.

ஆண்டு விழா கொண்டாட்டங்களுடன் இணைந்து, ரத்மலானையில் உள்ள ஆக்னஸ் குணசேகர நினைவு முதியோர் இல்லத்தில் 2025 நவம்பர் 10 மற்றும் 11 ஆகிய தேதிகளில் சமூக சுகாதாரம் மற்றும் நலன்புரி திட்டம் நடத்தப்பட்டது. கொழும்பு தெற்கு போதனா மருத்துவமனையின் ஆலோசகர் டாக்டர் ஏ.ஜி.எஸ். தர்ஷனி, விமானப்படை கண் மருத்துவ ஆலோசகர் குரூப் கேப்டன் ஏ. ஜெயசேகர மற்றும் விமானப்படை மருத்துவமனையின் ஊழியர்களின் உதவியுடன் மருத்துவ சேவை திட்டம் மேற்கொள்ளப்பட்டது.

மேலும், மருத்துவமனை ஊழியர்கள் முதியோர் இல்ல வளாகத்தில் சிரமதானம் ஒன்றை   மேற்கொண்டனர், மேலும் சிறப்பு மதிய உணவும் ஏற்பாடு செய்யப்பட்டு முதியோர் இல்லத்தின் அனைத்து உறுப்பினர்களுக்கும் வழங்கப்பட்டது.