இலங்கை இராணுவ மருத்துவக் கல்லூரியின் (SLCOMM) 9வது ஆண்டு கல்வி அமர்வு, 2026 பிப்ரவரி 13 அன்று வாட்டர்ஸ் எட்ஜ் ஹோட்டலில் தொடங்கியது. பாதுகாப்பு பிரதி அமைச்சர், மேஜர் ஜெனரல் அருணா ஜயசேகர (ஓய்வு), பிரதம விருந்தினராகத் தொடக்க விழாவில் கலந்துகொண்டார். இலங்கை அறுவை சிகிச்சை நிபுணர்கள் கல்லூரியின் உடனடி முன்னாள் தலைவரும், பொது அறுவை சிகிச்சை ஆலோசகருமான டாக்டர் துமிந்த அரியரத்ன, சிறப்பு விருந்தினராகக் கலந்துகொண்டார்.

இலங்கையில் சுகாதார அமைப்பை வலுப்படுத்துவதற்கான அரசாங்கத்தின் தொடர்ச்சியான முயற்சிகளை பிரதி அமைச்சர் எடுத்துரைத்தார். மேலும், இராணுவ மருத்துவ சேவைகளுக்குள் அடிப்படை ஆயத்தநிலையைப் பேணுவதன் முக்கியத்துவத்தையும் அவர் வலியுறுத்தினார். இந்த ஆண்டு அமர்வின் கருப்பொருளான, “அடிப்படைக்குத் திரும்புதல்: இராணுவ மருத்துவத்தில் அடிப்படை ஆயத்தநிலையை வலுப்படுத்துதல்” என்பதைக் குறிப்பிட்டு, மாறிவரும் செயல்பாட்டு மற்றும் பாதுகாப்பு சவால்களை எதிர்கொள்ளும் வகையில் ஆயத்தநிலை, நெறிமுறைத் தரங்கள் மற்றும் தொழில்முறைத் திறன் போன்ற முக்கியக் கொள்கைகளை நிலைநிறுத்த வேண்டியதன் அவசியத்தை அவர் வலியுறுத்தினார். தேசிய சுகாதாரத் துறையில் செயல்திறனையும் அணுகலையும் மேம்படுத்துவதை நோக்கமாகக் கொண்ட பல்வேறு திட்டங்களையும் பிரதி அமைச்சர் கோடிட்டுக் காட்டினார். பொது முதலீட்டை அதிகரித்தல், வெளிப்படைத்தன்மையை மேம்படுத்துதல் மற்றும் சேவைகளை நெறிப்படுத்துதல் ஆகியவற்றுக்கான டிஜிட்டல்மயமாக்கல் நடவடிக்கைகள் இதில் அடங்கும்.

இந்த நிகழ்வில் விமானப்படைத் தளபதி, எயர்  மார்ஷல் பந்து எதிரிசிங்க, இராணுவத் தளபதி, இலங்கை கடற்படையின் தலைமைத் தளபதி,கொத்தளவாள பாதுகாப்புப் பல்கலைக்கழகத்தின் பிரதிவேந்தர், முப்படைகள் மற்றும் சுகாதார சேவைகளின் மூத்த அதிகாரிகள், இலங்கை இராணுவ மருத்துவ அகாடமியின் தலைவர் மற்றும் செயற்குழு உறுப்பினர்கள் மற்றும் அழைக்கப்பட்ட பிரதிநிதிகள் கலந்து கொண்டனர்.