வீரவில விமானப்படைத் தளம் தனது 48வது ஆண்டு விழாவை 2026 ஜூன் 01 அன்று தளத்தில் நடைபெற்ற தொடர் நிகழ்ச்சிகளுடன் கொண்டாடியது.

இதன் ஆரம்ப நிகழ்வுகள்  ஒரு பாரம்பரிய பணி அணிவகுப்புடன் தொடங்கியது. இதை கட்டளை அதிகாரி, குரூப் கேப்டன் நலக்க வனசிங்க ஆய்வு செய்தார்.  அணிவகுப்பிற்குப் பிறகு தளத்தில் ஒரு மரக்கன்று நடும் நிகழ்ச்சி நடைபெற்றது. பணியாளர்களிடையே நல்லுறவை வளர்க்கும் வகையில் கிரிக்கெட் மற்றும் வலைப்பந்து போட்டிகளும் நடத்தப்பட்டன.

ஆண்டு விழாவை முன்னிட்டு பல சமூக நல நிகழ்ச்சிகள் நடத்தப்பட்டன. 2025 மே 25 அன்று மகாமேவுன அசப்புவவில் ஒரு சிரமதானப் பிரச்சாரம் நடைபெற்றது. தளத்திற்கு அருகில் அமைந்துள்ள இரண்டு பேருந்து நிறுத்தங்களில் பழுதுபார்ப்பு மற்றும் புனரமைப்புப் பணிகளும் மேற்கொள்ளப்பட்டன.

மேலும், மாகம மத்திய கல்லூரி மற்றும் வீரவில தொழில்நுட்பக் கல்லூரி மாணவர்களுக்கு கல்விப் பொருள் வழங்கும் நிகழ்ச்சிகளும் நடத்தப்பட்டன. அனைத்து நிகழ்ச்சிகளும் தளத்தின் அதிகாரிகள் மற்றும் அனைத்து தரத்தினரின் பங்கேற்புடன் மேற்கொள்ளப்பட்டன.