ශ්‍රී ලංකා ගුවන් හමුදා කටුකුරුන්ද කඳවුර සිය 40 වැනි සංවත්සරය 2024 නොවැම්බර් 16 වන දින සමරන ලදී. 2024 නොවැම්බර් 19 උත්සව අවස්ථාවන් සිදු විය. අණදෙන නිලධාරී ගෲප් කැප්ටන් එම්.පී.අබේවික්‍රම මහතාගේ මඟපෙන්වීම යටතේ සියලුම නිලධාරීන්, සෙසු නිලයින් සහ සිවිල් කාර්ය මණ්ඩලයේ සහයෝගයෙන් සංවිධානය කරන ලද ප්‍රජා සේවා ව්‍යාපෘති සහ විනෝදාත්මක ක්‍රියාකාරකම් මාලාවකින් මෙම අවස්ථාව සමරන ලදී.

බස්නාහිර පළාත් නව ආණ්ඩුකාරවරයා ලෙස පත් වූ ගරු හනීෆ් යූසුෆ් මහතා 2024 නොවැම්බර් 20 වන දින ගුවන් හමුදා මූලස්ථානයේදී ගුවන් හමුදාධිපති එයාර් මාර්ෂල් උදේනි රාජපක්ෂ මහතා හමුවිය. බස්නාහිර පළාතේ ප්‍රධාන අභියෝගවලට මුහුණ දීම අරමුණු කරගත් සහයෝගීතා මුලපිරීම් පිළිබඳ සාකච්ඡා කිරීම සඳහා ශ්‍රී ලංකා ගුවන් හමුදාවේ පාර්ශවකරුවන් සමඟ ආණ්ඩුකාරවරයා ප්‍රමුඛ සාමාජිකයින් 17 දෙනෙකුගෙන් යුත් දූත පිරිසක් මෙම අවස්තාවට එක්වන ලදී.

කීර්තිමත් ජාතික ආරක්ෂක විද්‍යාලයේ (NDC) පාඨමාලා අංක 03 හි උපාධි ප්‍රදානෝත්සවය 2024 නොවැම්බර් 18 වන දින ජාතික ආරක්ෂක විද්‍යාල පරිශ්‍රයේදී පැවැත්විණි. ආරක්‍ෂක අමාත්‍යාංශයේ ලේකම් එයාර් වයිස් මාර්ෂල් සම්පත් තුයකොන්ත (විශ්‍රාමික) ප්‍රධාන ආරාධිත අමුත්තා ලෙස මෙම අවස්ථාවට සහභාගි විය. ජාතික ආරක්ෂක විද්‍යාලයේ සේනාවිධායක මේජර් ජෙනරාල් සුජීව සෙනරත් යාපා (විශ්‍රාමික) විසින් ප්‍රධාන ආරාධිත අමුත්තා පිළිගන්නා ලදී.