ජපාන ලංකා මිත්‍රත්ව සංගමය විසින් චිමෝරි මොටෝකෝ මහත්මියගේ සහ මෙරටට පැමිණි ජපාන නියෝජිත පිරිසේ නොමසුරු දායකත්වය ඇතිව ශ්‍රී ලංකා ගුවන් හමුදාව වෙත ගිනි නිවීමේ රථයකට අදාළ ලියකියවිලි, ගිනි නිවීමේ උපකරණ කට්ටලයක්, සුදුසුකම් ලත් පාසල් දරු දැරියන් හයදෙනෙකු සඳහා ශිෂ්‍යත්ව සහ ඇස් කණ්ණාඩි යුගල 200ක් පරිත්‍යාග කිරීමේ උත්සවයක් 2026 ඔක්තෝබර් මස 14 වන දින ගුවන් හමුදා මූලස්ථානයේදී පැවැත්විය.

ඉන්දියාවේ ජෝද්පූර් ගුවන් හමුදා කඳවුරේදී 2026 ඔක්තෝබර් මස 12 වන දින සාර්ථකව නිමාවට පත් වූ දෙවන බහුජාතික ‘තරංග ශක්ති 2026’ (Tarang Shakti 2026) ගුවන් අභ්‍යාසය සඳහා ශ්‍රී ලංකා ගුවන් හමුදාව සාර්ථකව සහභාගි විය. රටවල් හතක ගුවන් හමුදාවන්ගේ සහභාගිත්වයෙන් පැවැති මෙම අභ්‍යාසය සඳහා සහභාගි වූ රටවල් අතර මෙහෙයුම් සහයෝගීතාව ශක්තිමත් කිරීම, ඒකාබද්ධව මෙහෙයුම් සිදු කිරීමේ හැකියාව වර්ධනය කිරීම සහ වෘත්තීය සබඳතා තවදුරටත් පුළුල් කිරීම සඳහා වැදගත් අවස්ථාවක් විය

ශ්‍රී ලංකා ගුවන් හමුදාපති එයාර් මාර්ෂල් බන්දු එදිරිසිංහ මහතා විසින් මීරිගම ගුවන් හමුදා කඳවුරේ වාර්ෂික ගුවන් හමුදාපති පරීක්ෂණය 2026 ඔක්තෝබර් මස 12 වන දින සිදු කරන ලදී. එහිදී ගුවන් හමුදාපතිතුමන් මීරිගම ගුවන් හමුදා කඳවුරේ අණදෙන නිලධාරී ගෲප් කැප්ටන් නිශාන්ත සෙනවිරත්න නිලධාරිතුමන්  විසින් උණුසුම් අයුරින් පිළිගන්නා ලදී.